السلام عليكم ورحمة الله وبركاته
مرحباً مجددا بكم أيها الشعب العريق وبعد
قد بلغنى أمر عن جمع أرقام بخلايا الاكسل يخص دالة Sum
بمعنى محاسب دلوقتى بيجمع بدالة Sumعادى جداَ
إلى إن هناك رجل ربنا يصلح حاله لما يحب يتأكد من جمع الأرقام دى
يمسك الآله الحاسبة وطبعا هيكتب الأرقام اللى شايفاها عنيه
وممكن هنا تكون ارقام فيها كسر ومش ظاهره كلها فى الخليه
فبالتالى اللى هيتكتب فى الآله غير اللى هيتجمع فى دالة Sum
لأن الآله بتجمع اللى راجل كتبه من الخلايا يعنى الظاهر قدامه فقط
ودالة Sum بتجمع الرقم كله فعليا ودا الأصح لكن هنعمل ايه بقى
المهم الراجل اللى بيراجع على المحاسب قال ايه
عايز الرقم اللى يطلع فى الآله الحاسبة هو الظاهر فى نتيجة Sum
وعشان كدا أكاديمية الصقر للتدريب عملتلك عرض دبل 
ايوه انها الدالة اللهلوبة ياسادة اللى مهما تغير فى الخانات اللى بتظهر قدامك
هتجمعلك اللى برضوا بتظهر قدامك شوف سبحان الله يأخى
(ملاحظة هامه جداَ كلمة دبل = Double بلغة الفرانكوا انجليزى عربى 
)
عرض يرضى الطرفين يرضى اللى عايز يجمع ويريح دماغوا
ويرضى اللى عايز النتيجة زى الآلة ونريح برضوا دماغه (سبحان الله)
ومش بس كدا والمفاجئة اللى هيحمل الدالة مرتين
هياخد معاها دالة معرفة هديه ايوه داله معرفه هديه - (هبقى انزلها بعدين الهديه دى )
وكود الدالة اللهلوبه من عروض الصقر كالتالى
CODE
Function SumFormat(rng As Range) As Double
'Developer: Eslam Abdullah
Dim cell As Range
For Each cell In rng
SumFormat = SumFormat + Val(cell.Text)
Next cell
End Function
استنى هنا لسه العرض مخلصتش
عشان تشوف مثال مطبق بين دالة Sum والدالة اللهلوبة SumFormat
هتلاقى الملف مرفق للتحميل فى اى وقت وفى اى مكان
مستنى ايه يلا حمل الدالة حالا عشان تكسب شواية هديه
وبكدا نقول الحلقه خلصت لكننا هنفضل مكملين معاكم
انتظرونا قريبا - والسلام عليكم ورحمة الله وبركاته 
الدالة المعرفة SumFormat لجمع الأرقام الظاهرة
