logo

لوحة التميز الأسبوعي
العضو المتميز المشرف المتميز المراقب المتميز المدير المتميز الموضوع المتميز القسم المتميز
العضو المتميز المشرف المتميز المراقب المتميز المدير المتميز الموضوع المتميز القسم المتميز
abdelmoniem ismail لا تميز خلال هذه الفترة-- لا تميز خلال هذه الفترة لا تميز خلال هذه الفترة توزيع المعلمين في جدول الحصص حسب النصاب بشروط اكسيل مشاريع جاهزه



أهلا وسهلا بك زائرنا الكريم في أكاديمية الصقر للتدريب، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





03-08-2018 03:01 صباحاً
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
السلام عليكم ورحمة الله وبركاته

النهاردة هشرح درس بسيط
وهو ايضاح أوجه التشابه والاختلاف بين الخاصيات ( Value, Value2, Text)
ثلاثتهم مهمتهم استخراج القيم وفى حالة عدم اختيار احدهم فتعتبر الخاصية Value هى الافتراضية


تعالوا كدا نكتب سوا فى ورقة العمل بيانات لاختبارها كالتالى



B A
Eslam Value 1
Eslam Value2 2
Eslam Text 3
كتبنا البيانات طيب تعالوا نروح للنافذة الفورية واللى مش عارف يوصل للخميرة الفورية
يروح لمحرر الاكواد بالضغط على Alt+F11 وبعدين يضغط Ctrl+G
على طول هتظهر فوزية قصدى النافذة الفورية ايوه هية نافذة Immediate دى

طيب تمام تعالوا نكتب كدا كود فى النافذة عشان نشوف نتائج البيانات اللى كتبناها فى ورقة العمل من شوية دى
نكتب سوا الكود دا

CODE
?Range("B1").value & ", " & Range("B2").value2 & ", " & Range("B3").Text

ومحدش يقولى ايه علامة الاستفهام دى لانها مشروحة فى دورة افتح الباب لاستاذنا الغالى ياسر خليل وعشان مدوخش حد الموضوع من هنا
طيب الكود دا واضح وضوح الشمس يظهر الموجود بالخلايا B1 و B2 و B3 ويفصلهم علامة الفاصلة تلك ,
طيب جميل قول ياعم جميل ، دلوقتى بعد كتابة الكود دا والضغط Enter هنلاقى الناتج 3 اسلام جنب بعض زى ما فى الصورة كدا

oh0ODhPGRXnN5ep
حمادة بيقولى انت بتضحك علينا ما النواتج كلها شبه بعض ، ياعم حمادة لو صبر القاتل على المقتول ، الله اعلم ممكن ميموتش دا فى علم الغيب
المهم دلوقتى نروح نغير البيانات كدا فى ورقة العمل عشان نبدا نلاحظ الاختلاف واكتبوا البيانات اللى قدامكم دى



B A
12345.67 Value 1
12345.67 Value2 2
12345.67 Text 3

كتبت البيانات تمام ، لا مش تمام بعد كتابة الارقام دى روح نسق الخلايا دى وليكن خليها بالدولار أنا بحب الدولار ، زى الصور اللى قدامنا كدا
aRnzsTUE8iyPbAp
DyjULgXsaom0abK
نفتح بقى الخميرة الفورية ونقف على السطر اللى فيه الكود ونضغط Enter تانى ونلاحظ النتائج التالية
76Eg404bbCyNzje
هنلاحظ ان الناتج الاول والتانى Value, Value2 شالوا تنسيق الارقام عدا Text زى ما هو قدام عينك ملوش دعوه ايه قيمة الرقم دا
هنلاقى الخاصية Text أخدت الرقم بالفاصلة , بعد رقم 12 وعلامة الدولار $ وبابا غنوبوا
تعلوا بقى نوضح امتى يختلف Value و Value2 نروح نكتب تاريخ ميلادى أنا حر biggrin2




B A
01/09/1995 Value 1
01/09/1995 Value2 2
01/09/1995 Text 3

يلا نضغط Enter فى الخميرة الفورية ونشوف الناتج ، هنلاقيه بالشكل دا
01/09/1995, 34943, 01/09/1995


هنلاحظ ان Value اخدت قيمة الرقم بتنسيق التاريخ هو مش بيحب يزعل تاريخ ميلادى بس
أما Value2 مهما كان التنسيق هو بياخد القيمة الرقمية الحقيقية وراء هذا التنسيق
وText لو كان ايه بالذى مكتوب هو بيظهرلك الظاهر بالخلية تماما زى ما انت شايفه قدام عينك هيستخرجوا


ولكن ناخد بالنا من حاجه ، ان الخاصية Value أخدت تنسيق التاريخ كتاريخ لكن لو التنسيق دا فيه نص فمثلا حول تنسيق التاريخ دا عندك Long Date بدلا من Short Date
ومش هكمل ، كمل انت لوحدك وقولى انت فهمت ايه ، بس متغيرش التاريخ ، اصل التاريخ دا فيه بركه شويه biggrin2


طيب تعالوا نجرب بقى الموضوع دا بالعكس يعني بدل ما كنا بنستخرج البيانات ، المره دى هندخل البيانات بالخلايا
ونجرب الكود دا كدا

CODE
Sub Abo_Albraa()
Range("C1").Value = "Abo Albraa"
Range("C2").Value2 = "Abo Albraa"
Range("C3").Text = "Abo Albraa"
End Sub

لما تشغل الكود كدا هيطلع خطا ، ليه ياعم
العم قالك انت مش انت وانت جعان
لان مينفعش نستخدم الخاصية Text لادخال البيانات بل استخراجها كما ترى العين المجردة
غير كدا تزعل ، هيا بتاخد على خاطرها شويه

يبقى نشتغل على الخاصيتين الفاضلين ونستخدم الكود التالى عشان ندخل اسم الغالى أبو البراء بالخلايا المحددة وهما C1 و C2

CODE
Sub Abo_Albraa()
Range("C1").Value = "Abo Albraa"
Range("C2").Value2 = "Abo Albraa"
'Range("C3").Text = "Abo Albraa"
End Sub

حطينا ' عشان نوقف السطر التالت بالكود ودلوقتى نشغل الكود
هتلاقى اسم الغالى ظهر بالخليتين عادى
لكن تعالوا نغير فى شكل عرض النص أو طوله مش هتفرق
ونكتب الكود التالى

CODE
Sub Abo_Albraa()
Range("C1").Value = #9/1/1995#
Range("C2").Value2 = #9/1/1995#
'Range("C3").Text = "Abo Albraa"
End Sub


ونشغل الكود وطبعا يكون تنسيق الخلايا General أى عام عشان نلاحظ الفرق
هنلاحظ ان ناتج Value ظهور التاريخ كما مكتوب أما Value2 بتجيب من الاخر وجابت الرقم مش بتحب توجع دماغها
ومعلومة أخيرة كدا نلاحظ ان التاريخ بالشكل دا
#9/1/1995# معانا شهر 9 ويوم 1 وسنة 1995
يعنى ماشى بنظام شهر يوم سنة ممكن أيضا نستخدم دالة
DateSerial هيا نفس دالة Date بورقة العمل
تتكون من 3 باراميترات الأول للسنة والثانى للشهر والثالث لليوم
مثال عملى كالتالى

CODE
Sub Abo_Albraa()
Range("C1").Value = DateSerial(1995, 9, 1)
Range("C2").Value2 = DateSerial(1995, 9, 1)
'Range("C3").Text = "Abo Albraa"
End Sub

أهم حاجة محدش يشيل السطر الأخير هو ملوش تأثير بس فيه اسم البركه كلها biggrin2
وبكدا يكون انتهى الدرس
كان معكم ومعنا ومعهم برضوا
أخوكم فى الله ، اسلام عبدالله
فى أمان الله وحفظه 81
 
 





look/images/icons/i1.gif الفرق بين الخاصيات (Value, Value2, Text)
  03-08-2018 10:10 صباحاً   [1]
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 10529
الجنس :
تاريخ الميلاد : 1-10-1978
الدعوات : 24
قوة السمعة : 36752
الاعجاب : 184
تسلم أخي الحبيب إسلام يا بركة وجزاك الله خيراً .. شرح ممتاز ولا شرح الغالي في أيام دورة "افتح الباب" Open The Door ... laugh




look/images/icons/i1.gif الفرق بين الخاصيات (Value, Value2, Text)
  03-08-2018 02:45 مساءً   [2]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
هذا الشبل من ذاك الأسد biggrin2




look/images/icons/i1.gif الفرق بين الخاصيات (Value, Value2, Text)
  03-08-2018 08:53 مساءً   [3]
معلومات الكاتب ▼
تاريخ الإنضمام : 20-11-2017
رقم العضوية : 1757
المشاركات : 1765
الدولة : مصر
الجنس :
الدعوات : 2
قوة السمعة : 9685
الاعجاب : 25
بارك الله فيك استاذ اسلام دروس جدا مفيدة
جعله الله فى ميزان حسناتك



توقيع :ali mohamed ali


{ وَقُل رَّبِّ زِدْنِي عِلْمًا }
[ كن على يقين من اعمالنا نخطئ ومن اخطائنا نتعلم ولذلك لا شي مستحيل ]
ساهم دائماً فى حل أى مشكلة او أستفسار لديك مع إضافة رد بشكره
أو دعوة لمن قدم اليك المساعدة,فالجميع هنا يعمل على مساعدة
الاخرين لوجه الله وان تحتسب له اجر عند الله

look/images/icons/i1.gif الفرق بين الخاصيات (Value, Value2, Text)
  03-08-2018 09:12 مساءً   [4]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
وبارك الله فيك الأخ العزيز على
مشكور لمرورك العطر 81




look/images/icons/i1.gif الفرق بين الخاصيات (Value, Value2, Text)
  04-08-2018 01:05 صباحاً   [5]
معلومات الكاتب ▼
تاريخ الإنضمام : 21-08-2017
رقم العضوية : 14
المشاركات : 1309
الدولة : مصر
الجنس :
تاريخ الميلاد : 4-7-1990
الدعوات : 59
قوة السمعة : 4570
الاعجاب : 0
موقعي : زيارة موقعي
باين كدا عدانى كتير يا سلم وبقيت في شرح vba استاذ اهو عاش على الشرح



توقيع :محمود ابو الدهب
لى عظيم الشرف بالانضمام لهذا الصرح العظيم
وكم أتمنى من الله
ان يعيننى ويعلمنى من علمة الواسع فهو ولي ذالك وهو على كل شي قدير

تحياتى وتقدير للجميع  محمود ابوالدهب

look/images/icons/i1.gif الفرق بين الخاصيات (Value, Value2, Text)
  04-08-2018 01:09 صباحاً   [6]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
المشاركة الأصلية كتبت بواسطة: محمود ابو الدهب باين كدا عدانى كتير يا سلم وبقيت في شرح vba استاذ اهو عاش على الشرح
حبيبى حودة الغالى ، أهو بنتعلم منك biggrin2
فينك كدا من زماااااااااااااااااان
rolleyes




look/images/icons/i1.gif الفرق بين الخاصيات (Value, Value2, Text)
  04-08-2018 01:33 صباحاً   [7]
معلومات الكاتب ▼
تاريخ الإنضمام : 21-08-2017
رقم العضوية : 14
المشاركات : 1309
الدولة : مصر
الجنس :
تاريخ الميلاد : 4-7-1990
الدعوات : 59
قوة السمعة : 4570
الاعجاب : 0
موقعي : زيارة موقعي
ههههههههههههههه
قولت اسيبك تبدع بقوة في غيابي اصلي كنت طاغي عليك biggrin2121
قلت اديك فرصة laugh

وعزرا فالدنيا مشاغل وصاحبك بيدور على عروسة g
هههههههههه ومش لاقي حاجه عدلة كلهم بقوا تفهين من ميوزكى الى كيكي وشكلي كدا صرفت نظظر1



توقيع :محمود ابو الدهب
لى عظيم الشرف بالانضمام لهذا الصرح العظيم
وكم أتمنى من الله
ان يعيننى ويعلمنى من علمة الواسع فهو ولي ذالك وهو على كل شي قدير

تحياتى وتقدير للجميع  محمود ابوالدهب

look/images/icons/i1.gif الفرق بين الخاصيات (Value, Value2, Text)
  04-08-2018 01:45 صباحاً   [8]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
ههههههههههههههههههههه
عين العقل اياك والجواز والكلام الفاضى دا
جواز ايه فى زمن الكيكى دا laugh




look/images/icons/i1.gif الفرق بين الخاصيات (Value, Value2, Text)
  04-08-2018 01:55 صباحاً   [9]
معلومات الكاتب ▼
تاريخ الإنضمام : 21-08-2017
رقم العضوية : 14
المشاركات : 1309
الدولة : مصر
الجنس :
تاريخ الميلاد : 4-7-1990
الدعوات : 59
قوة السمعة : 4570
الاعجاب : 0
موقعي : زيارة موقعي
laugh ا ياسر خليل كان عنده حق
انا اجيب واحده اعدادى ولا اعدادى ايه ابتدائي احبسها في قمقم واربيها على ايدى ولما تبلغ 13 اربعتاشر سنة اتجوزها وخلاص ههههههههههههههههههه "ولو خرجت اقلها خرجتى من غير اذنى يا امينه"
وانته عارف الباقي بقة :)



توقيع :محمود ابو الدهب
لى عظيم الشرف بالانضمام لهذا الصرح العظيم
وكم أتمنى من الله
ان يعيننى ويعلمنى من علمة الواسع فهو ولي ذالك وهو على كل شي قدير

تحياتى وتقدير للجميع  محمود ابوالدهب

look/images/icons/i1.gif الفرق بين الخاصيات (Value, Value2, Text)
  04-08-2018 01:59 صباحاً   [10]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
على البركه ابتدائى ابتدائى واهو تجيبلها فى هدية الخطوبة مقلمه بدل الدبدوب نضافه ريحه توفير
توكل على الله انت بس عشان نشرب الشربات biggrin2




look/images/icons/i1.gif الفرق بين الخاصيات (Value, Value2, Text)
  04-08-2018 02:03 صباحاً   [11]
معلومات الكاتب ▼
تاريخ الإنضمام : 21-08-2017
رقم العضوية : 14
المشاركات : 1309
الدولة : مصر
الجنس :
تاريخ الميلاد : 4-7-1990
الدعوات : 59
قوة السمعة : 4570
الاعجاب : 0
موقعي : زيارة موقعي
لما فستان العروسة يجهز "عن معبودة الجماهير اتحدث" حبيبي يا سلم بارك الله فيك ورزقق الزرية الصالحة والزوجة الصالحة والعمل الصالح
وانا كمان :)



توقيع :محمود ابو الدهب
لى عظيم الشرف بالانضمام لهذا الصرح العظيم
وكم أتمنى من الله
ان يعيننى ويعلمنى من علمة الواسع فهو ولي ذالك وهو على كل شي قدير

تحياتى وتقدير للجميع  محمود ابوالدهب

look/images/icons/i1.gif الفرق بين الخاصيات (Value, Value2, Text)
  04-08-2018 03:50 صباحاً   [12]
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 10529
الجنس :
تاريخ الميلاد : 1-10-1978
الدعوات : 24
قوة السمعة : 36752
الاعجاب : 184
يا ولدي الجواز شر ولابد منه ... :)
أنا بهزر طبعاً ، الزواج سكينة وطمأنينة وربنا يرزقكم بالزوجة الصالحة ، وأنا معاكم لمرة تانية yes




اضافة رد جديد اضافة موضوع جديد
الصفحة 2 من 2 < 1 2 >





الكلمات الدلالية
الفرق ، الخاصيات ، (Value, ، Value2, ، Text) ،









اخلاء مسئولية: يخلى منتدى أكاديمية الصقر للتدريب مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى إنتهاكات تتضمن اى انتهاك لحقوق الملكية الفكرية او الادبية لاى جهة - بالتواصل معنا من خلال نموذج مراسلة الإدارة .وسيتم اتخاذ الاجراءات اللازمة.
سياسة النشر: التعليقات المنشورة لا تعبر عن رأي منتدى أكاديمية الصقر للتدريب ولا نتحمل أي مسؤولية قانونية حيال ذلك ويتحمل كاتبها مسؤولية النشر.

الساعة الآن 04:46 PM