السلام عليكم ورحمة الله وبركاته

إخواني وأحبابي في الله

طبعاً اللي هيشوف العنوان هيعتقد إن الموضوع ملوش علاقة بالإكسيل ، ودا صحيح .. بس أنا بردو لازم أحط التاتش الخاص بالإكسيل كوسيلة مساعدة لينا في الموضوع ..
صراحة الموضوع مكانش مترتب ، وفكرة الموضوع سببها فيديو مدته دقيقتين ونص ، والفيديو كان الأخ الغالي حسام خطاب نزله في الجروب على الفيس بعنوان What makes a great leader .. والفيديو عجبني جداً ، والصراحة أي حاجة حسام بينشرها بتعجبني (شوية تطبيل كدا ع الماشي لأخونا حسام)
ودا رابط الفيديو من هنا
المهم دخلت ع اليوتيوب وحملت ملف الفيديو على الجهاز عندي ..

اللي بيتعامل مع اليوتيوب يعرف إن فيه خاصية اسمها cc اختصار لكلمة closed captions (زي ترجمة الكلام اللي بيتقال في الفيديو) ، ودا بيفيد الناس اللي بتتعلم لغة ..إنها تسمع الصوت وتشوف الكلام فتتعلم اللغة ، لأن دي أكتر طريقة مفيدة في تعلم اللغة


مطولش عليكم قوووووووول طول ..طبعاً الـ subtitles دي بتكون متاحة للفيديو على اليوتيوب لكن لو حملت الملف على الجهاز مش هتلاقي الترجمة دي
أسكت (طبعاً مقدرش دا مش من طبعي) .. قمت عملت خطوة مبدئية كدا إني أنسخ الترجمة دي من على اليوتيوب (وواحد يسألني ودي بتتعمل إزاي ؟!) ..
الموضوع بسيط : في أسفل الفيديو بتلاقي على يمين كلمة Share أسفل الفيديو فيه 3 نقاط بالشكل ده


بتنقر على النقط دي وبتختار Open transcript ، فيظهر لك الترجمة الخاصة بالفيديو على يمين الفيديو بالشكل التالي


نحدد الترجمة كلها ونعمل كليك يمين ونختار copy أي نسخ


نروح للإكسيل ونعمل كليك يمين في الخلية A1 في ورقة العمل ، ونختار Paste special أي لصق خاص


ونختار كلمة Text من النافذة اللي هتظهر لنا زي كدا


دلوقتي هنروح لمحرر الأكواد ونلصق الكود التالي

Sub Convert_Range_To_SRT_File()
    Dim strFile     As String
    Dim s           As String
    Dim f           As Integer
    Dim i           As Long
    Dim x           As Long
    Dim n           As Long

    strFile = Environ("USERPROFILE") & "DesktopOutput.srt"
    f = FreeFile
    Open strFile For Output As #f

    
    n = Range("A" & Rows.Count).End(xlUp).Row
    For i = 1 To n Step 2
        x = x + 1
        Print #f, CStr(x)
            
        s = "00:" & Range("A" & i).text & " --> " & "00:"
        If i = n - 1 Then
            s = s & "59:59"
        Else
            s = s & Range("A" & i + 2).text
        End If

        Print #f, s
        Print #f, Range("A" & i + 1).text
        Print #f,
    Next i

    Close #f
End Sub

ودا هيعمل ايه يا مستر محمود ؟ هيصدر ملف الـ srt على سطح المكتب باسم Output.srt
ودا لازمته ايه يا جدو؟ دا ملف الترجمة الخاص بالفيديو ، بس عشان الفيديو يشتغل بالترجمة لازم يكون الملف اللي امتداده srt بنفس اسم الفيديو ..
يعني الفيديو اللي حملته اسمه Uncover Your Full Potential - (What Makes A Great Leader-) - YouTube .. نروح للملف اللي اسمه Output على سطح المكتب ونغير اسمه لنفس اسم ملف الفيديو بالشكل ده


دلوقتي لو شغلت ملف الفيديو من على الجهاز هتلاقي الترجمة الخاصة بالفيديو ..
بس المشكلة إن الفيديو مرتبط بملف الـ srt ، يعني لو حذفت ملف الترجمة ، الفيديو مش هيعرض الترجمة ..

** نيجي للمرحلة التانية إننا ندمج ملف الترجمة في ملف الفيديو بحيث بعد كدا نحذف ملف الـ srt ، وتظهر الترجمة في الفيديو بشكل مباشر ، وهنا هنستعين ببرنامج vlc (أيوا يا سمسم برنامج القرطاس يا كبير)
>> نقفل ملف الفيديو ، ونفتح برنامج الـ vlc من خلال قايمة Start ابحث عن vlc وشغله بالشكل ده


من قائمة Media في برنامج vlc بنختار Stream


ننقر على Add عشان نحدد مسار ملف الفيديو


نروح لمسار ملف الفيديو ونفتحه بالشكل التالي


الصور كتير في الموضوع ، بس عشان يكون الموضوع مفصل وكامل يا عم كامل .. مطولش عليكم قول طول ، نيجي دلوقتي ونكمل الخطوات بس نختصر شوية
بعد كدا ننقر على كلمة Stream .. بعد ما أضفنا ملف الفيديو من خلال زر الأمر Add (زي ما شنفا في الصور) ، وبعدين ننقر على Next ...
هيظهر نافذة تانية فيها كلمة Add تانية ننقر عليها بردو عشان نحدد مسار ملف الفيديو الجديد ودي لازم صورة عشان تتأكد إنك ماشي صح


هيظهر كلمة Browse انقر عليها وحدد المسار للفيديو الجديد بالشكل التالي


خلصنا الكام خطوة ننقر Next يا سعيد (ربنا يجعلك أيامك سعيدة)
دلوقتي نعلم علامة صح على الخيار Activate Transcoding .. وندخل على Edit selected profile زي الصورة دي


ونظبط الإعدادات زي الصورة اللي جاية


دلوقتي ننقر كمان Next ونخلي بالنا من الخطوة اللي جاية لأنها مهمة .. في النافذة التالية هتحذف جزء منها زي ما هو واضح في الصورة


واخيراً تبدأ عملية الدمج (العملية ممكن تاخد شوية وقت والمريض في حالة حرجة ، بس إحنا هنضحي بالأم والجنين عشان الممرضة تعيش)


نغلق برنامج vlc ونروح يا صالح لسطح المكتب ، وهنلاقي الفيديو الجديد باسم New Video ، ولما تفتح الفيديو هتلاقي الترجمة مدمجة مع الفيديو بدون الحاجة لملف الترجمة srt ... أرجو أن أكون قد أفتكم بشيء جديد

وأخيراً . إليكم الملف المرفق الذي يحتوي على كود تحويل الترجمة إلى ملف srt (لا تبخل بالتحميل من الموقع لأنه يدعم صاحب الموضوع)

حمل الملف من هنا

وفقني الله وإياكم لكل خير
كان معكم أخوكم في الله / ياسر خليل أبو البراء