السلام عليكم ورحمة الله وبركاته

رابط الحلقة الأولى من هنا

كنا وقفنا في الحلقة اللي فاتت عند نقطة جديدة وهي إزاي نفتح موقع جوجل .. وجهزنا الملف وحفظناه وفعلنا مكتبة الـ Selenium
دلوقتي جه دور الأكواد وربطها بأداة الـ Selenium ..
هنمسك سطر سطر ونحاول نبسطه ونشرحه عشان نقدر نهضم الموضوع وإزاي العملية بتتم

Sub Navigate_To_Google()<br />

لما بنكتب كود نبدأ بكلمة Sub يليها اسم الماكرو أو اسم الإجراء الفرعي ، ونحاول يكون الاسم معبر عن الهدف من الكود ، والهدف من الكود هو فتح موقع جوجل
والجملة دي لازم يكون ليها جملة في النهاية وهي قفلة الكود End Sub

Dim bot &nbsp; &nbsp; &nbsp; &nbsp; As New WebDriver<br />

أول سطر داخل الكود وهو للإعلان عن متغير
المتغير هنا اسمه bot وممكن تسميه أي اسم ، ولكن يفضل إن اسم المتغير بردو يكون معبر عن الهدف من المتغير
وكلمة bot في الخيال العلمي معناها robot وهو بالظبط اللي المتغير هيقوم بيه ، بس دا مش خيال علمي ، دي حقيقة ، لأن الكود هيكون بمثابة الإنسان الآلي اللي بيقوم بنفس الأعمال اللي إنت بتقوم بيها بشكل آلي وأتوماتيك ، عشان كدا هتلاقي في عنوان السلسلة دي كلمة Web Automation وترجمتها الحرفية "أتمتة الويب" .. ودا اللي بيتم بالظبط
إنت بتبرمج الأكواد بحيث تقوم بشكل أوتوماتيك بتنفيذ الخطوات اللي بتعملها بشكل يدوي
ونوع المتغير هو New WebDriver ودا المقصود بيه المتصفح اللي هيقوم بالمهمة ، ويمكنك التعامل مع متصفحات كثيرة لكن إحنا هنركز على جوجل كروم (يفضل تحميل أحدث نسخة من الجوجل كروم)

bot.Start "chrome", "https://www.google.com"

المتغير اللي استخدمناه غالباً أول حاجة هيعملها إنه يحدد المتصفح ويحدد العنوان الأساسي base URL .. وهنا استخدمنا الطريقة Start كنقطة بداية يليها اسم المتصفح بين أقواس تنصيص ، والبارامتر التاني هو العنوان الأساسي للموقع اللي عايزن نتصفحه ودا بردو بين أقواس تنصيص

bot.Get "/"

السطر اللي فات بيجهز المتصفح بس ، لكن السطر ده واللي بنستخدم فيه كلمة Get هو بداية مرحلة التنفيذ لعملية التصفح ويليه شرطه مايلة / بين أقواس تنصيص للذهاب إلى العنوان المطلوب

وأخيراً دا الشكل الأخير للكود بالكامل

Sub Navigate_To_Google()
    Dim bot         As New WebDriver
    
    bot.Start "chrome", "https://www.google.com"
    bot.Get "/"
    
    
End Sub

نيجي لتنفيذ الكود: آخر جملة في الكود End Sub هنعمل عندها نقطة توقف Break Point؟ إزاي نعملها دا يا دسوقي
نقف بمؤشر الماوس في السطر End Sub

دلوقتي اضغط F5 لتنفيذ الكود ، هيفتح معاك جوجل كروم ويفتح صفحة جوجل
السؤال : هل يمكن تصفح أي جزء آخر داخل موقع جوجل بنفس الكود؟ الإجابة أينعم
هنجرب نكتب سطر جديد بالشكل ده

bot.Get "/m/translate"

الجزء دا خاص بترجمة جوجل

طبعاً إحنا لما نفذنا الكود اللي فات ، السطر الأخير End Sub ظهر عندنا باللون الأصفر لأننا توقفنا عنده .. إزاي ننفذ السطر الجديد اللي إحنا أضفناه بدون ما نعيد تنفيذ الكود بالكامل

لما نسحب السهم الأصفر لفوق هيكون الشكل الجديد للكود بالشكل التالي

روح للمتصفح وشوف النتيجة ، هتلاقي صفحة الترجمة الخاصة بجوجل
الفكرة في إنك تقدر من خلال العنوان الرئيسي تتصفح أي جزء في الموقع

** ملحوظة : يوجد شرطة مائلة slash قبل حرف الـ m في الصور السابقة

وإلى لقاء في حلقة جديدة
كان معكم أخوكم في الله / ياسر خليل أبو البراء

تم نشر الحلقة الثالثة من هذه السلسلة على الرابط التالي
من هنا