لما نضغط عليه هنلاقي نافذة طلعت لنا بنسجل فيها اسم الماكرو واتعرفنا شروط الاسم ..وممكن نعمله اختصار وأنا مش بحب الحركة دي لأن الإكسيل ملياااااااااان اختصارات فممكن يحصل تعارض ما بين اختصارات الإكسيل والاختصار اللي سيادتك هتعمله .. إحنا شوية وهنتعلم إزاي نربط الكود بزر لتشغيله من داخل الإكسيل أو ورقة العمل أفضل.

وبعدين بيقولك هتخزنه فين وأنا أفضل تتركه زي ما هو This Workbook لو فتحت القايمة دي هتلاقي فيه مصنف باسم Personal.XLSB ودا بيكون مكانه في البارتشن C: وبيكون مخفي وممكن تظهره عن طريق التبويب View ثم Unhide هتلاقي اسم المصنف موجود ممكن تظهره ..أنا بقا لا أحب أظهره ولا أخفيه أنا بحذفه عشان بيضايقني بظهوره في محرر الأكواد في نافذة المشروع .. دا مجرد ارتياح شخصي وطبعا إنت ليك كامل الحرية في حذفه أو عدم حذفه عشان ممكن شركة مايكروسوفت تزعل مني

عموما المصنف دا لزمته ايه .. المصنف معمول إنك تخزن فيه الأكواد الخاصة بك عشان تقدر تنفذها في أي مصنف مفتوح بدون إدراج الكود مرة أخرى (بس يا سلام بقا لو أكوادك كلها اللي بتستعملها محفوظة فيه ومعندكش منها نسخة تانية وفجأة الكهربا تقطع ودا مبيحصلش كتير في مصر والحمد لله تلاقي الويندوز سقط والحمد لله أكوادك في خبر كان )

عموما هي ميزة بس أنا شايفها مش ميزة .. بالنسبة لمسار المصنف دا بيكون في :

C:UsersAdministratorAppDataRoamingMicrosoftExcel

طبعا Administrator دا اسم المستخدم بيختلف من جهاز للتاني .. روح للمسار ده هتلاقي المصنف احذفه وريح بالك (ليك مطلق الحرية)

أنا طبعا شرحته بالتفصيل أهو رغم إني مش بستخدمه بس عشان محدش يقول إني قصرت ...

آخر حاجة وصف الكود واللي هتكتبه هنا هيظهر لك على شكل تعليق .. بصراحة دي بقا رغم إن فيه كتير بيطنشها بس أنا شايف إنها مهمة .مهم جدا توثق أكوادك بتعليقات عشان تقدر بعد فترة لو حبيت تعدل على الأكواد تكون الأمور واضحة بالنسبة لك .. هتقولي أنا اللي كاتب الكود وحافظ كل كبيرة وصغيرة فيه ... يتهيأ لك والله أنا ساعات أندمج في كتابة كود بشكل معين وبعد فترة أحتاج للكود تاني أقوم أروح للكود الاقي نفسي تايه رغم إني أنا اللي كاتبه ومطبقه قبل كدا .. التوثيق مهم صدقوني ..

المهم بيظهر التعليق في الكود بلون أخضر .. طيب إزاي أعمل تعليق طبعا بيكون بالضغط على ' طبعا اللي نظرهم ضعيف مشافوش .. لما يكون اتجاه الكتابة إنجليزي نضغط حرف الطاء اللي بعد العلامة دي بيتم تجاهله تماما يعني متقلقش مش هيتنفذ الأمر لو كان قبله علامة ' دي ..

Range("A3").Select

With Selection<br />
&nbsp; &nbsp; &nbsp; &nbsp; .HorizontalAlignment = xlRight<br />
&nbsp; &nbsp; &nbsp; &nbsp; .VerticalAlignment = xlCenter<br />
&nbsp; &nbsp; &nbsp; &nbsp; .WrapText = False<br />
&nbsp; &nbsp; &nbsp; &nbsp; .Orientation = 0<br />
&nbsp; &nbsp; &nbsp; &nbsp; .AddIndent = False<br />
&nbsp; &nbsp; &nbsp; &nbsp; .IndentLevel = 0<br />
&nbsp; &nbsp; &nbsp; &nbsp; .ShrinkToFit = False<br />
&nbsp; &nbsp; &nbsp; &nbsp; .ReadingOrder = xlContext<br />
&nbsp; &nbsp; &nbsp; &nbsp; .MergeCells = False<br />
&nbsp; &nbsp; End With<br />
<br />

Range("A3").HorizontalAlignment = xlRight