logo

لوحة التميز الأسبوعي
العضو المتميز المشرف المتميز المراقب المتميز المدير المتميز الموضوع المتميز القسم المتميز
العضو المتميز المشرف المتميز المراقب المتميز المدير المتميز الموضوع المتميز القسم المتميز
Hatem Eissa hassona229-- لا تميز خلال هذه الفترة لا تميز خلال هذه الفترة لا تميز خلال هذه الفترة اكسيل مشاريع جاهزه



أهلا وسهلا بك زائرنا الكريم في أكاديمية الصقر للتدريب، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





06-02-2018 12:49 صباحاً
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
السلام عليكم ورحمة الله وبركاته
أول دروس الاستاذ الخبير فى الاكسل والبرمجه الاستاذ ياسر خليل
ومع اولى حلقاته فى دروس الـVBA باسم دورة افتح الباب

..............................................................................................................................
السلام عليكم ورحمة الله وبركاته
كيف حالكم إخواني الكرام في المنتدى الغالي؟

لقيت نفسي نفسي (نفسي الأولى غير التانية ..) نفسي الأولى يعني أنا - وأعوذ بالله من كلمة أنا - ، ونفسي التانية يعني حاجة أتمنى أعملها .. المهم لقيت نفسي أعمل حاجة مختلفة .. بشكل مختلف .. بأسلوب مختلف يكون فيه عنصر التشويق والإثارة والبساطة مجتمعين في نفس الوقت .
كتير مننا أول ما يسمع كلمة البرمجة والأكواد يتخض وكأن الموضوع مستحيل ...أبدا كل الحكاية إننا بنبدأ غلط مش بناخد الخطوات الصحيحة لتعلم البرمجة.

لو عايز تتعلم البرمجة ونفسك بجد تبدأ تتمكن فيها خليك معايا ، هنقضيها رغي شوية وهزار شويتين ، وجد مش كتير ... ايه رأيكم؟
نبدأ على بركة الله ..
أول حاجة بعد ما تنصب الأوفيس وتفتح الإكسيل تلاقي اللي انت عايزه مش موجود
طيب نظهره إزاي ؟؟ ببساطة فيه زر أوفيس فوق شمال هتضغط عليه وتضغط Excel Options هتلاقي نافذة فيها خيار اسمه
Show Developer tab in the Ribbon
يعني إظهار التبويب ، وهتلاقي جنبه مربع تحط فيه علامة صح
مبروك الخطوة الأولى

واحد هيقولي عندك اقف أول خطوة فشلت فيها ..هقوله ربنا ما يحرمنا من الفشل لأن الفشل أول طريق النجاح ..
هقولك لو ملقتش اللي بحكي عليه يبقا اصدار الأوفيس مختلف أنا شغال على 2007 ، وحضرتك على 2010 أو 2013 (بالنسبة ل 2003 والله ما أنا معبره كفاية عليه لحد كدا) ... بالنسبة لـ 2010 و 2013 بيكون من قائمة File ثم Options ثم من القايمة الشمال فيه Customize Ribbon وفي الناحية اليمين هتلاقي قائمة بالتبويبات وجنب كل تبويب علامة صح اللي يعجبك علم عليه صح واللي ميعجبكش ارميه في الزبالة...
MTg1OTYx001
MTQyNjQ3MQ5555002
المهم هتلاقي التبويب اللي هيفتح لنا الباب لعالم البرمجة .. دا كان المفتاح للدخول

نخش لتاني حاجة المفتاح عشان يفتح معاك لازم تحط عليه شوية زيت ، يعني لازم تضبط إعدادات الماكرو عشان الأكواد تشتغل معاك تمام
من التبويب الجديد انقر على Macor Security هيفتح معاك نافذة بتختار منها آخر خيار Enable all macros وبتعلم علامة صح على الخيار اللي جنبه مربع Trust access to VBA
الحمد لله خلصنا من النقطة الأولى والتانية ...
ننتقل لنقطة جديدة :

هيظهر التبويب في الآخر .. جمد قلبك واشرب ديو وافتح الباب لمحرر الأكواد اضغط على Visual Basic من التبويب المذكور
أو لو بتحب تتعامل مع الكيبورد اضغط Alt + F11
كدا الباب الحمد لله فتح .. لو أول مرة تدخل على محرر الأكواد متتخضش واحدة واحدة هبندا نتعلم كل اللي موجود .. المهم محدش يستعجلني عشان أنا مستعجل
MTAxNzM4MQ1010003

النافذة دي اسمها نافذة المشروع Project window يعني الإكسيل بيتعامل مع المصنف إنه مشروع .. والمشروع مكون من 3 شيتات اللي بنسميهم أوراق العمل Sheet1 و Sheet2 و Sheet3 بس في 2013 الحمد لله بيكون الوضع الافتراضي شيت واحد بس (أصلي بتخنق من حتة 3 شيتات ع الفاضي بحس إن الملف كبير ع الفاضي وكل اللي يلزمني للعمل بشكل مبدئي هو شيت ولما أحب أضيف جديد مش هيكون أمر صعب)
المهم مع أوراق العمل بنلاقي الكائن المسمى بالمصنف WorkBook ودا اللي بيحوي التعابين كلها أقصد الأكواد ..
طيب محدش سألني ايه المنطقة الرمادي دي ومالها ضلمة ليه كدا؟ أنا أقولك عشان إنت تنورها .. اضغط دبل كليك على Sheet1 مثلا في نافذة المشروع هتلاقيها نورت والحمد لله استعداد لبداية الاحتفال
بس فيه نقطة الأكواد لو اتكتبت هنا هتأثر على الورقة دي بس ...
في الحتة اللي نورت الصق الكود اللي جاي ده وأفضل تكتبه بايدك عشان أنا شايف ايدك بتترعش وخايف .. قلت لك جمد قلبك الموضوع بسيط

نبدأ بكود كدا سهل ولذيذ
CODE

Sub Hello_alsaqr()   MsgBox "Hello alsaqr!"   End Sub



أول كلمة Sub يعني ابدأ صب اللي عندك .. لا غلط .. معناها إجراء فرعي Subroutine يعني بينفذ مهمة محددة.
وفي آخر الكود End Sub عشان القفلة (لو فاكرين شعبان عبد الرحيم بيقول ايه في الآخر بس خلاص دي القفلة بتاعته) هنا بقا دي القفلة بتاعت الإجراء الفرعي..
طيب ايه Hello_alsaqr دا اسم الإجراء ودا له قواعد أول حاجة مينفعش يبدأ برقم 77Hello_alsaqr
ولا ينفع يكون فيه مسافة زي كدا Hello alsaqr بس ممكن لو حبينا بدل المسافة بحط Underscore اللي هي بتيجي بـ Shift + العلامة اللي على يمين الصفر اللي في الأرقام اللي فوق مش الأرقام اللي ف لوحة الأرقام ..
وبردو فيه حاجات محرمة في اسم الإجراء زي علامة # أو $ أو % أو & أو % أو النقطة أو الفاصلة أو أو ..
بقولكم ايه كفاية كلام عن اسم الإجراء .. لو كان فيه حاجة غلط في الاسم هيطلع لك رسالة خطأ تعرف إن فيه حاجة مش مظبوطة!!

طيب السطر اللي في النص دا هو دا الكود .. الإجراء أو المهمة المراد تنفيذها .. بتبدأ بكلمة MsgBox ودي اختصار للكلمة Message Box أي صندوق الاسم ..... والله انا سرحت بس مش همسح اللي بكتبه خلي الكلام يكون تلقائي .. ودي بنكتب وراها الرسالة اللي عايزين نظهرها .. وطبعا فيه مسافة بعد الكلمة والكلام اللي هو الرسالة دا نص فنحطه بين أقواس تنصيص " " .. واحد برق لي عينه بيقولي بتتعمل إزاي دي قول لأقتلك .. هقوله حاضر يا باشا هقولك دي بتيجي إزاي .. اضغط على Shift وبعدين حرف الطاء بس خلاص .. طبعا أقواس التنصيص في أول النص وفي آخره مهو لازم القفلة.
نجرب نشغل الكود إزاي .. فيه أكتر من طريقة يا إما تضغط على مثلث لونه أخضر فوق في شريط الأدوات الموجود في محرر الأكواد .. مش عاجبك شكل المثلث الأخضر خلاص روح لقائمة Run واضغط أول أمر .. لو انت تلميذ ذكي هتعرف الطريقة التالتة من التانية .. هسيبكم تقولوها إنتو ..مش عارفين !! طيب هقول أنا وخلاص اضغط على F5 من لوحة المفاتيح بس بشرط يكون مؤشر الماوس واقف في الكود..
MTU3NDIx004
لما نشغل الكود دا اللي هيظهر لي
MjUyODI1MQ2828005
وبكدا أكون وصلتكم وفتحت لكم الباب .. لو عايزين نكمل قولوا كمل مش عايزين .. يبقا كفاية لحد كدا ويا كود ما يقربش منك حد .. ونعمل بالمثل الفلاحي اللي بيقول : ابعد عن الكود وادعي عليه !
والسلام عليكم
سبحانك اللهم وبحمدك .. نشهد أن لا إله إلا أنت ..نستغفرك ونتوب إليك
كان معكم على الهواء مباشرة أخوكم أبو البراء من ملعب أكاديمية الصقر .. إلى اللقاء مع مباراة جديدة وأهداف جديدة وشيقة
دمتم بود 81
 
 





look/images/icons/i1.gif الحلقه الاولى تفعيل الماكرو وكتابة أول كود
  06-02-2018 07:55 صباحاً   [1]
معلومات الكاتب ▼
تاريخ الإنضمام : 21-08-2017
رقم العضوية : 2
المشاركات : 1824
الجنس :
الدعوات : 21
قوة السمعة : 20048
الاعجاب : 12
موقعي : زيارة موقعي

جزاكم الله خيرا اخى اسلام 3




توقيع :الصقر

اخى العضو الكريم
اذا كنت ترى ان المنتدى مفيد لك
فكن سفيرا لنا بدعوة الاخرين للانضمام معنا
فالدال على الخير كفاعله


look/images/icons/i1.gif الحلقه الاولى تفعيل الماكرو وكتابة أول كود
  06-02-2018 08:53 صباحاً   [2]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
وجزاك الله خيرا استاذى الحبيب حسام 58




look/images/icons/i1.gif الحلقه الاولى تفعيل الماكرو وكتابة أول كود
  06-02-2018 11:38 مساءً   [3]
معلومات الكاتب ▼
تاريخ الإنضمام : 21-08-2017
رقم العضوية : 3
المشاركات : 10529
الجنس :
تاريخ الميلاد : 1-10-1978
الدعوات : 24
قوة السمعة : 36759
الاعجاب : 186
بارك الله فيك أخي الحبيب إسلام ومشكور على اهتمامك بنشر هذه الحلقات .. علها تفيد الجميع




look/images/icons/i1.gif الحلقه الاولى تفعيل الماكرو وكتابة أول كود
  07-02-2018 01:17 صباحاً   [4]
معلومات الكاتب ▼
تاريخ الإنضمام : 03-10-2017
رقم العضوية : 852
المشاركات : 1580
الدولة : مصر
الجنس :
تاريخ الميلاد : 1-9-1995
الدعوات : 5
قوة السمعة : 10861
الاعجاب : 6
موقعي : زيارة موقعي
وبارك الله فيك استاذى الحبيبب
ان شاء الله هتفيد كتير




اضافة رد جديد اضافة موضوع جديد




الكلمات الدلالية
الحلقه ، الاولى ، دروس ،









اخلاء مسئولية: يخلى منتدى أكاديمية الصقر للتدريب مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى إنتهاكات تتضمن اى انتهاك لحقوق الملكية الفكرية او الادبية لاى جهة - بالتواصل معنا من خلال نموذج مراسلة الإدارة .وسيتم اتخاذ الاجراءات اللازمة.
سياسة النشر: التعليقات المنشورة لا تعبر عن رأي منتدى أكاديمية الصقر للتدريب ولا نتحمل أي مسؤولية قانونية حيال ذلك ويتحمل كاتبها مسؤولية النشر.

الساعة الآن 01:08 AM